Nasreddin Hoca Sözleri

Var idi Konya'da bir Kadi-i şum
İrtişa vü tama' ile mezum

Anı her kim ki vireydi rüşvet
Muktezasınca virürdü huccet

Hace-i devr ü zaman Nasreddin
Eyledi Kadı'ya bir hiyle hemin

Koydı bir destiye vafir toprak
Kadı'ya aldadı ol Salik-i Hak

Bir kaşık bal koyup ağzına heman
Toprağı eyledi destide nihan

Haceti olmış idi bir huccet
Kadı'ya destiyi virdi rüşvet

Hürmet itdi ana Kadı durdı
Rüşveti gördü safalar sürdi

Kalemin aldı eline Kazı
Huccetin yazmağa oldı razı

Eyledi sa'y-ı belig ü ikdam
Hucceti eyledi yanında tamam

Hucceti virdi idüp kat'-ı niza'
Kadı'ya eyledi ol dahı veda

Yimege başladı Kadı aseli
Topraga irdi kaza ile eli

Kadı'ya oldı kaziyye ma'lum
Gönline gire gazab isdi hücum

Gördi anı nitekim ehl-i riya
Zahiri batına uymaz kat'a

Destiyi hışm ile ol Kadı-i mest
Kalb-i uşşak gibi kıldı şikest

Kadı bir hiyle vü tezvir itdi
Hucceti almağa tedbir itdi

Eyleyüp dilde nihanı kine
Didi yarendesi Nasreddin'e

Getür ol hucceti kim yanlışı var
Bir dahısını yazayın tekrar

Yanlış olunca kişide huccet
Kendü da'vasına virmez suret

Dinleyince bu sözü Nazreddin
Didi Kadı'ya latife-y-le hemin

Huccetün cümle sahih iy nadan
Var ise destidedür yanlış olan

Ol haramı yimeyüp niteki mar
Kaşki toprak ideydün iftar

Kabarup desti gibi iy bed-hu
Kendüni kılma haram ile tolu

Akdur gerçi imamen amma
İçün ol desti gibi oldı kara

Ne revadur bu ki bu suret ile
Kalp arayış olasın rüşvet iie

Besleme han-ı haram ile tenün
Desti gibi ötesi yokdur anun

Rüşvet ile dirilen ahmakdur
Anı bilmez ki sonı toprakdur

Veh ki bir fi'l-i haram u bed-kar
Kıldı bu vechile takdir-i lisan

Gönlünün ayinesin itdi gubar
Kadı'ya haddini bildürdi heman

Destiye döndi o Kadı hasedi
Sureti siretine uymaz idi

İy viren dide-i gam-dideye nur
İy kılan lutf ile canı mesrur

Rüşvet alan kişiyi eyle hacil
Mal-i rüşvet gibi na-peyda kıl

Ağıra akça gibi dideleri
Mahv ola pertev-i nur-ı basarı